தீபாவளி உள்ளிட்ட பண்டிகைகள் நெருங்குவதால், திருப்பூர் மாவட்டத்தில் தேங்காய் விலை உயர்ந்துள்ளது. தாராபுரம், காங்கேயம், உடுமலை, மடத்துக்குளம் பகுதிகளில் தென்னை விவசாயம் நடைபெற்று வருகிறது. இந்த நிலையில் தற்போது வெள்ளை ஈ தாக்குதலால், மகசூல் குறைந்திருப்பதால் உள்ளூர் சந்தைகளில் தேங்காய் விலை உயர்ந்துள்ளது.
ஒரு டன் தேங்காய் 42 ,000 ரூபாய் முதல் 45,000 வரை விற்பனையாகிறது. அதேபோல கொப்பரை விலையும் அதிகரித்துள்ளது.வெளி மாநிலங்களுக்கு போதுமான அளவிற்கு அனுப்ப முடியாததும் தேங்காய் விலை உயர்வுக்கான காரணமாக வியாபாரிகள் தெரிவித்தனர்.
