ஏ.ஆர்.ரஹ்மான் மகளின் வீடியோவை முதல் முறையாக வெளியிட்டார்! இணையத்தில் வைரலாகிறது..

சுஷாந்த் சிங் ராஜ்புட்டுக்கு அஞ்சலி செலுத்தும் விதமாக தில் பேச்சாரா பாடலை வாசித்து வீடியோ வெளியிட்டுள்ளார் ரஹீமா ரஹ்மான். ஆஸ்கார் விருது வென்ற இசையமைப்பாளர் ஏ.ஆர் ரஹ்மானின் இசையில் சமீபத்தில் விக்ரமின் கோப்ரா படத்தின் தும்பி துள்ளல் என்ற பாடல் வெளியாகி ரசிகர்கள் மத்தியில் நல்ல வரவேற்ப்பை பெற்றிருந்தது. அது மட்டும் இன்றி அவர் இசை அமைத்து இருந்த பாலிவுட் படமான தில் பேச்சாரா என்ற படத்தின் பாடல்களும் அதிகம் ரசிகர்களை கவர்ந்து வருகிறது.

கடந்த மாதம் ஜூன் 14ஆம் தேதி தற்கொலை செய்து கொண்ட பாலிவுட் நடிகர் சுஷாந்த் சிங் ராஜ்புட் நடித்த கடைசி படம் இது தான்.

அவரது மரணம் ரசிகர்கள் மற்றும் சினிமா பிரபலங்களுக்கு பெரிய அதிர்ச்சியை ஏற்படுத்திய நிலையில், அவரது கடைசி படமான தில் பேச்சாராவை ரசிகர்கள் அதிகம் எதிர்பார்த்துக் காத்திருக்கின்றனர். இந்நிலையில் பிரபலங்கள் பலரும் சுஷாந்த் சிங்கிற்கு அஞ்சலி செலுத்தும் விதமாக தில் பேச்சாரா டைட்டில் பாடலை பாடி சமூக வலைத்தளங்களில் பதிவிட்டு வருகின்றனர். அந்த வரிசையில் தற்போது ஏ.ஆர் ரஹ்மானின் மகள் ரஹிமா ரஹ்மான் கீபோர்டில் அந்த பாடலை வாசிக்கும் வீடியோ ஒன்றினை ஏ.ஆர் ரஹ்மான் தனது இன்ஸ்டாகிராம் பக்கத்தில் வெளியிட்டுள்ளார். அது தற்போது இணையத்தில் வைரல் ஆகி வருகிறது.