3385 துப்புரவு பணியாளர்களின் வங்கி கணக்குகளில் லட்சக்கணக்கில் பணம் செலுத்திய ராகவா லாரன்ஸ்!

நடிகர் மற்றும் நடன இயக்குனரான ராகவா லாரன்ஸ் ஏற்கனவே தமிழக முதல்வரின் நிவாரண நிதிக்கு ரூபாய்.50 லட்சமும் பிரதமர் மோடி நிவாரண நிதிக்கு ரூபாய்.50 லட்சமும் கொடுத்துள்ளார். தற்போது அவர் மீண்டும் ஒரு படத்திற்கு ஒப்பந்தம் ஆகியுள்ள நிலையில் படத்திற்கான பெரிய அளவில் தொகை ஒன்றை பெற்றுள்ளார். ஏற்கனவே தூய்மை பணியாளர்களுக்கும் தன்னால் இயன்ற தொகையை நிச்சயம் செலுத்துவேன் என்று அவர் வாக்குறுதி அளித்திருந்தார். அவர் கூறிய வாக்குறுதியை நிறைவேற்றிக் காட்டி இருக்கிறார்
ராகவா லாரன்ஸ், பைவ் ஸ்டார் கிரியேஷன்ஸ் தயாரிக்கும் புதிய திரைப்படம் ஒன்றில் நடிப்பதற்கு கமிட்டாகியிருக்கிறார். அந்தத் திரைப்படத்திற்காக தான் பெரும் சம்பளத்திலிருந்து 25 லட்சம் ரூபாயை கொடுத்து உதவியுள்ளார்.
3,385 துப்புரவு பணியாளர்களுக்கு தலா ரூபாய் 750 பணத்தை அவர்களது நேரடி வங்கி கணக்கில் செலுத்தி உள்ளாராம். இதனை அவரே தன்னுடைய ட்விட்டர் பக்கத்தில் செய்தியாக வெளியிட்டு இருக்கிறார். லாரன்சின் இந்த செயலை பலர் பாராட்டியுள்ளனர். இதனை அவரே தன்னுடைய ட்விட்டர் பக்கத்தில் செய்தியாக வெளியிட்டு இருக்கிறார்.