தங்கத்தின் விலை தொடர்ந்து இரண்டாவது நாளாக இன்று ஒரு சவரனுக்கு 312 ரூபாய் வரை குறைந்துள்ளது. சென்னையில் 22 கேரட் ஆபரணத் தங்கம் நேற்று ஒரு சவரன் 39,328 ரூபாய்க்கு விற்பனை செய்யப்பட்ட நிலையில், இன்று 312 ரூபாய் குறைந்து 39016 ரூபாய்க்கு விற்பனையாகிறது. ஒரு கிராம் ஆபரணத் தங்கம் நேற்று 4916 ரூபாயாக இருந்த நிலையில், இன்று 39 ரூபாய் குறைந்து 4877 ரூபாய்க்கு விற்பனை ஆகிறது. ஒரு கிராம் வெள்ளி நேற்று 74.90 ரூபாய்க்கு விற்பனை ஆன நிலையில், 1 ரூபாய் 60 பைசா குறைந்து இன்று 73.30 ரூபாய்க்கு விற்பனை செய்யப்படுகிறது.
இந்நிலையில் நடப்பு வாரம் விலை உயர்வுடனே தொடங்கியது. தொடர்ந்து நேற்றும் இன்றும் தங்கத்தின் விலை குறைந்துகொண்டே வருகிறது. நிலையான விலை இல்லாமல், ஏற்ற இறக்கத்துடன் தங்கம் விலை இருப்பதாலும் தற்போது இரண்டாவது நாளாக தங்கத்தின் விலை குறைந்திருப்பது பொது மக்களிடையே மகிழ்ச்சியை ஏற்படுத்தியுள்ளது.
