ரஷ்யாவிற்கும் அமெரிக்காவிற்கும் இடையிலான தொடர்ச்சியான மோதலின் மற்றொரு அடையாளமாக, ரஷ்ய அதிபர் விளாடிமிர் புடின், அமெரிக்க அதிபராக தேர்வாகியுள்ள ஜோ பிடெனை அடுத்த அமெரிக்க ஜனாதிபதியாக அங்கீகரிக்க தயாராக இல்லை என்று கூறி பரபரப்பை ஏற்படுத்தியுள்ளார். எனினும், எந்தவொரு அமெரிக்கத் தலைவருடனும் இணைந்து பணியாற்றத் தான் தயாராக இருப்பதாக அவர் வலியுறுத்தினார்.
ஒரு பொது உரையில், புடின், “அமெரிக்க மக்களின் நம்பிக்கை உள்ள எவருடனும் நாங்கள் பணியாற்றுவோம், ஆனால் அந்த நம்பிக்கையை ஒரு வேட்பாளருக்கு மட்டுமே வழங்க முடியும். அதன் வெற்றி எதிர்த்து போட்டியிடும் கட்சியால் அங்கீகரிக்கப்பட வேண்டும் அல்லது முடிவுகள் நேர்மையாக, சட்டவழியில் உறுதிப்படுத்தப்பட வேண்டும்.” எனக் கூறினார்.
ரஷ்ய ஜனாதிபதி பிடெனை வாழ்த்துவதற்கான முடிவு எந்தவொரு உள்நோக்கமும் இல்லாத ஒரு அரசியல் நடைமுறை என்று கூறினார். அமெரிக்காவிற்கும் ரஷ்யாவிற்கும் இடையிலான உறவுகள் பாழாகிவிட்டன என்று தான் நம்புவதாகவும் அவர் கூறினார்.
2016 இல் டிரம்ப் வெற்றி பெற்றபோது, புடின் வாழ்த்துக்களைத் தெரிவித்திருந்தார். அந்தத் தேர்தலில் டிரம்ப்பின் எதிர் போட்டியாளரான ஹிலாரி கிளிண்டனும் வாக்களித்த மறுநாளே ஒப்புக்கொண்டார்.
பிடெனுக்கு ஆதரவாக தேர்தல் முடிவுகள் அறிவிக்கப்பட்ட சில நாட்களில், புடினின் செய்தித் தொடர்பாளர் டிமிட்ரி பெஸ்கோவ் செய்தியாளர்களிடம் இந்த தேர்தல் வேறு மாதிரியாக உள்ளது என்று கூறினார்.
தேர்தலுக்குப் பிந்தைய சர்ச்சைகள் அமெரிக்காவில் வெடித்துள்ள நிலையில், புதிய அதிபர் வரும் ஜனவரியில் பதவியேற்கும் வரை அமைதி காக்கும் அணுகுமுறையை அவர் மேற்கொள்வதாகக் கூறியுள்ளார்.
“நாங்கள் ஒருவரை விரும்புகிறோம் அல்லது விரும்பவில்லை என்பது அல்ல இது. அமெரிக்காவின் இந்த உள் அரசியல் மோதலின் முடிவுக்கு நாங்கள் பொறுமையாக காத்திருக்கிறோம்.” என்று புடின் கூறினார். மேலும் டிரம்ப் மற்றும் பிடென் இருவருக்கும் சமமான மரியாதை வழங்குவதாக அவர் கூறினார்.
