தங்கத்தின் விலை கடந்த வார இறுதியில்தொடர்ந்து இரு நாட்களாக குறைந்த நிலையில், இன்று மீண்டும் விலை திடீரென அதிகரித்துள்ளது. சென்னையில் 22 கேரட் ஆபரணத் தங்கம் நேற்று முன்தினம் (நேற்று விடுமுறை) ஒரு சவரன் 39,296 ரூபாய்க்கு விற்பனை செய்யப்பட்ட நிலையில், இன்று 336 ரூபாய் அதிகரித்து 39,632 ரூபாய்க்கு விற்பனையாகிறது. ஒரு கிராம் ஆபரணத் தங்கம் நேற்று முன்தினம் விலையில் இருந்து இன்று 42 ரூபாய் அதிகரித்து இன்று 4954 ரூபாய்க்கு விற்பனை ஆகிறது.
வெள்ளி நேற்று முன்தினம் விலையில் இருந்து கிராம் ஒன்றுக்கு 3 ரூபாய் 70 பைசா அதிகரித்து இன்று ஒரு கிராம் 75.10 ரூபாய்க்கு விற்பனை செய்யப்படுகிறது. தொடர்ந்து ஆபரணத் தங்கத்தின் விலை சவரன் ஒன்றுக்கு 4,008 ரூபாய் வரை குறைந்த நிலையில், கடந்த வார இறுதியில் விலை திடீரென குறைந்தது. இந்த நிலையில், இந்த வாரமானது விலை அதிகரிப்புடன் தொடங்கியுள்ளது. நிலையான விலை இல்லாமல், ஏற்ற இறக்கத்துடன் தங்கம் விலை இருப்பதால் தற்போது பொது மக்களும் வாங்குவதற்கு தயக்கம் காட்டுகின்றனர்.
