சென்னையில் ஆபரணத்தங்கத்தின் விலை இன்று சவரனுக்கு 656 ரூபாய் சரிந்து 40,672 ரூபாய்க்கு விற்பனையாகிறது. ஒரு கிராம் ஆபரணத்தங்கத்தின் விலை நேற்றைய விலையில் இருந்து ரூ.82 குறைந்து 5084 ரூபாய்க்கு விற்பனை ஆகிறது. கடந்த ஒரு வாரமாக தங்கத்தின் விலை ஏற்ற, இறக்கமாக இருக்கும் நிலையில், இன்றும் விலை வீழ்ச்சி அடைந்துள்ளது பொது மக்களுக்கு மகிழ்ச்சியை அளித்துள்ளது.
ஒரு கிராம் வெள்ளி நேற்று 74.50 ரூபாயாக இருந்த நிலையில், இன்று 73.70 ரூபாய்க்கு விற்பனை ஆகிறது. கடந்த சில நாட்களாக பங்குச்சந்தைகளில் ஏற்றம் இறக்கம் காணப்படுவதைப் போலவே தங்கம் மற்றும் வெள்ளியின் விலை நிலையற்ற ஏற்ற இறக்கம் நிலவுகிறது.
