பெருநகர சென்னை மாநகராட்சிக்கு, தொழில் வரி மற்றும் தொழில் உரிமம் புதுப்பித்தலுக்குச் செலுத்த வேண்டிய தொகையை அபராதமின்றி செலுத்தலாம் என, சென்னை மாநகராட்சி ஆணையர் கோ.பிரகாஷ் தெரிவித்துள்ளார். இதுதொடர்பாக மாநகராட்சி ஆணையர் வெளியிட்டுள்ள அறிவிப்பில், ”2019-20-ஆம் ஆண்டுக்கான சொத்து வரி, தொழில் வரி உள்ளிட்ட கட்டணங்கள், மார்ச் 31-ஆம் தேதிக்குள் செலுத்தப்பட்டிருக்க வேண்டும்.
ஆனால் தொற்றுப் பரவல் காரணமாக அதற்கான காலம் நீட்டிக்கப்பட்டுள்ளது. கொரோனா பரவல் காரணமாக ஜுன் 30 வரை கால அவகாசம் வழங்கப்பட்ட நிலையில், தற்போது செப்டம்பர் 30-ஆம் தேதிக்குள், எவ்வித அபராதமுமின்றி சொத்து வரி, தொழில் வரி மற்றும் தொழில் உரிமம் புதுப்பித்தலுக்கு செலுத்த வேண்டிய கட்டணங்களை செலுத்தலாம்” என்று அறிவித்துள்ளார்.
