கொரோனா ஊரடங்கால் சென்னையில் கடந்த மார்ச் மாதம் 16ம் தேதி முதல் பெட்ரோல் மற்றும் டீசல் விலையில் மாற்றம் இல்லாமல் இருந்தன. மே மாதத்தில் சர்வதேச அளவில் ஊரடங்கு தளர்வுகள் காரணமாக, பொருளாதார நடவடிக்கைகள் தொடங்கியதை அடுத்து கச்சா எண்ணெய்யின் விலை தொடர்ந்து அதிகரிக்கத் தொடங்கியது.
இந்நிலையில் இன்று பெட்ரோல் விலை நேற்றைய விலையில் இருந்து மாற்றமின்றி லிட்டருக்கு ரூ.85.04ஆக விற்பனை செய்யப்படுகிறது. சுமார் ஒன்றரை மாதங்கள் பெட்ரோல் விலையில் மாற்றமில்லாமல் இருந்த நிலையில் கடந்த இரு வாரங்களுக்கும் மேலாக தொடர்ந்து அதிகரித்து வருகிறது. ஆனால் டீசல் விலை தொடர்ந்து ஒரு மாதமாக மாற்றமின்றி லிட்டருக்கு ரூ.78.86 என்ற விலையில் விற்கப்பட்டு வருகிறது. இந்த விலை இன்று காலை 6 மணி முதல் அமலுக்கு வந்துள்ளது
