நாம் வெற்றிபெற்றுவிடுவோம் என்ற மமதையில் இருக்க வேண்டாம் என்று தெற்கு மண்டல நிர்வாகிகளுக்கு ஸ்டாலின் எச்சரிக்கை விடுத்துள்ளார். தென் மண்டல நிர்வாகிகள் ஆலோசனை கூட்டத்தில் பேசிய திமுக தலைவர் ஸ்டாலின், கடந்த 10 ஆண்டுகளாக நாம் ஆட்சியில் இல்லாவிட்டாலும் மக்களுக்காக சேவையாற்றியுள்ளோம். மக்களும் நமக்கு வாக்களிக்க தயாராகி விட்டார்கள். இருப்பினும் நாம் வெற்றி பெற்றுவிடுவோம் என்ற மமதையில் நாம் இருக்க வேண்டாம்.
நமக்கான வாக்குகளை சிந்தாமல், சிதறாமல் பெறவேண்டியது உங்களுடைய கடமை என பேசி உள்ளார். மேலும் வரும் தேர்தலில் காங்கிரசுடன் கூட்டணி இருக்கவேண்டும் எனவும் அதே சமயத்தில் காங்கிரசுக்கு கடந்த தேர்தல்களில் விட்டுக்கொடுத்த சில தொகுதிகளை நாம் இந்த முறை நமக்கு கேட்டுப் பெறவேண்டும் என நிர்வாகிகள் திமுக ஸ்டாலினிடம் வலியுறுத்தினார். அதற்கு பதிலளித்த ஸ்டாலின் தொகுதி பங்கீடு பேச்சுவார்த்தையின்போது அது குறித்து பேசுவோம் என நிர்வாகிகளிடம் நம்பிக்கை தெரிவித்துள்ளார்.
