சக்தி வாய்ந்த அதிர்வு காரணமாக நிலவின் மேற்பரப்பில் விரிசல் – குழப்பத்தில் விஞ்ஞானிகள்…
அதிசயங்கள் நிறைந்த இயற்கையில் அவ்வப்போது ஏராளமான மாற்றங்கள் ஏற்பட்டு வருகிறது. இந்த நிலையில் தற்போது நிலவில் மேற்பரப்பில் விரிவடையும் விசித்திரமான விரிசலால் விஞ்ஞானிகள் குழம்பி போயுள்ளனர். பூமியின் நிலையான துணைக்கோள் நிலவு தான். சூரிய குடும்பத்தில் சூரியனுக்கு பிறகு இரண்டாவது பிரகாசமானது மற்றும் நமது வானத்தில் காணக்கூடிய எளிதான வான் பொருள் என்றால் அது நிலவு தான். நிலவு நமது கிரகத்தில் பெரும் தாக்கத்தையும், விளைவையும் ஏற்படுத்துகிறது, ஏனெனில் இது பூமியின் கிரக தள்ளாட்டத்தை மிதப்படுத்துகிறது, இது நமது காலநிலையை உறுதிப்படுத்த உதவுகிறது. நிலவின் ஈர்ப்பு விசையானது பூமியின் நீர்நிலைகளில் அலைகளை ஏற்படுத்துகிறது. இதனால், மனிதகுலத்திற்கு நிலவின் முக்கியத்துவம் மகத்தானது.
பல ஆண்டுகளாக ஆய்வு செய்யப்பட்ட சந்திர பாறைகள் மற்றும் மண் மாதிரிகளின் காலத்தை அளவிடுவதன் மூலம், இது பூமியின் வயதை போல் சுமார் 4.6 பில்லியன் ஆண்டுகள் பழமையானது என்று கண்டறியப்பட்டுள்ளது.நிலவின் மேற்பரப்பு பாறைகளை கொண்டது, அதன் பெரும்பகுதி கிரக மற்றும் விண்கல் தாக்கங்களிலிருந்து உருவாகிறது. இது ஒரு எக்ஸ்போஸ்பியர் என்று அழைக்கப்படும் மிக மெல்லிய வளிமண்டலத்தை கொண்டுள்ளது. நிலவின் நீர் இல்லாததால், உயிரினங்கள் வாழ இயலாது. நிலவை ஆராய்வதற்காக 100 க்கும் மேற்பட்ட ரோபோ விண்கலங்கள் ஏவப்பட்டுள்ளன.
இதில் நிலவுக்கு ஆறுக்கும் மேற்பட்ட நாடுகளால் ஒன்பது குழுக்கள் அனுப்பப்பட்டுள்ளது. நமது கிரகத்துடனான நெருங்கிய உறவுதான் நமது ஆராய்ச்சியாளர்களையும் விஞ்ஞானிகளையும் தொடர்ந்து புதிய கண்டுபிடிப்புகளை மேற்கொள்ள வைக்கிறது. சமீபத்தில், நிலவின் மேற்பரப்பில் ஒரு விசித்திரமான விரிசல் கண்டுபிடிக்கப்பட்டதால் ஆராய்ச்சியாளர்கள் குழப்பமடைந்தனர், இது தொடர்ந்து விரிவடைந்து வருகிறது.அப்பல்லோ 17-ல் நிறுவப்பட்ட சென்சார்களை பயன்படுத்தி நிலவின் மேற்பரப்பில் உள்ளவற்றை ஆய்வு செய்ய ஸ்மித்சோனியன் நிறுவனம் நடத்திய பெரிய அளவிலான ஆராய்ச்சி பலவற்றை கண்டறிந்துள்ளது. மேலும் இந்த ஆராய்ச்சியில் பெறப்பட்ட தகவலில் ஒரு சக்திவாய்ந்த அதிர்ச்சியின் காரணமாக ஒரு விரிசல் தோன்றியதை கண்டறிந்துள்ளனர்.
இது ரிக்டர் அளவில் 5.5-க்கு நெருக்கமாக இருக்கக்கூடும், இந்த அளவானது பூமியில் உள்ள கட்டிடங்களுக்கு மிதமான சேதத்தை ஏற்படுத்த போதுமானது என்று கண்டறியப்பட்டுள்ளது. எதிர்காலத்தில் நிலவில் மனிதர்கள் வசிக்க ஏற்றதா? என தெரிந்துகொள்ள அதன் மேற்பரப்பை தொலைதூரத்தில் இருந்து ஆராய்வதால் இதுபோன்ற தகவல்கள் விஞ்ஞானிகளுக்கு முக்கியமானவை. இது சந்திர மேற்பரப்பின் நில அதிர்வு செயல்பாடு பற்றிய தகவல்களையும் வழங்குகிறது என தகவல் அளித்துள்ளனர்.
