தமிழகத்தில் கடந்த 24 மணி நேரத்தில் 5976 பேருக்கு கொரோனா தொற்று உறுதி செய்யப்பட்டுள்ளது. தமிழகத்தில் இன்று 5976 பேருக்கு கொரோனா தொற்று உறுதி செய்யப்பட்ட நிலையில், மொத்த கொரோனா பாதிப்பு 4,51,827 ஆக அதிகரித்துள்ளது. கடந்த 24 மணி நேரத்தில் 6334 பேர் டிஸ்சார்ஜ் ஆகியுள்ளதாக தெரிவிக்கப்பட்டுள்ளது. இதனால், குணமடைந்தோர் எண்ணிக்கை 3,92,507 ஆக உயர்ந்துள்ளது.
தமிழகத்தில் தினசரி நூற்றுக்கணக்கான பேர் உயிரிழந்துவரும் நிலையில், கடந்த சில நாட்களாக கணிசமாக குறைந்துள்ளது. இன்று 79 பேர் உயிரிழந்துள்ளனர். இதுவரை மொத்த உயிரிழப்பு 7687 ஆக அதிகரித்துள்ளது. சென்னையில் கடந்த 24 மணி நேரத்தில் 992 பேருக்கு கொரோனா பாதிப்பு உறுதி செய்யப்பட்டுள்ளது. தமிழகத்தில் தொடர்ந்து தினசரி கிட்டத்தட்ட 6 ஆயிரம் பேருக்கு கொரோனா தொற்று கண்டறியப்படுவது அச்சத்தை அதிகப்படுத்தியுள்ளது.
