ஜெயராஜ் மற்றும் ஃபெனிக்ஸ் ஆகிய இரு அப்பாவிகளின் துரதிர்ஷ்டவசமான மரணங்களுக்கு வழிவகுக்கும் காவல்துறையினரின் சாத்தான்குளம் கொடுமை, முழு நாட்டையும் அதிர்ச்சிக்குள்ளாக்கியுள்ளது. மேலும் விசாரணையின் போது போலீஸ் செய்த வன்முறைகள் ஒன்றன் பின் ஒன்றாக வெளிவந்துகொண்டு இருக்கின்றன.
சாத்தான்குளம் சம்பவத்திற்கு எதிராக பல பிரபலங்கள் குரல் கொடுத்துக்கொண்டு வருகின்றனர். ஆனால் மிக ஆரம்பத்திலேயே ஆர்.ஜே மற்றும் பாடகர் சுசித்ரா அவர்கள் முழு சிக்கலையும் ஆங்கிலத்தில் விளக்கும் வீடியோ ஒன்றை வெளியிட்டார், இது உலகம் முழுவதும் வைரலாக மாறியது.
இதனை அடுத்து இப்போது, எதிர்க்கட்சியின் முந்தைய அரசாங்கத்தில் போலீஸ் மிருகத்தனங்களுக்கு எதிராக ஒரு புதிய வீடியோவை வெளியிட 2 கோடி ரூபாய் வழங்க தயார் என்று , ஒரு குடும்ப நண்பர் மற்றும் செல்வாக்கு மிக்க கோலிவுட் பிரபலம் சுசித்ரா விடம் கேட்டுள்ளதாக அவர் சுசித்ரா ட்விட்டரில் வெளிப்படுத்தியுள்ளார்.
சுசித்ரா ட்வீட் செய்ததாவது, “முந்தைய ஆட்சியில் (எதிர்க்கட்சி ஆட்சியில் இருந்தபோது) போலீஸ் அட்டூழியங்களை முன்னிலைப்படுத்தும் வீடியோவை உருவாக்க 2 கோடி கொடுக்க தயார் என்று ஒரு குடும்ப நண்பர் தெரிவித்ததாகவும் , அன்றிலிருந்து தூக்கத்தை இழந்ததாகவும், இது மிகவும் மனிதநேயம் அற்ற செயல் என்று கூறி #sathankulam incident. Keep the focus ##JusticeforJayarajAndFenix என்ற ஹாஸ் டேக்கை போட்டு உள்ளார்.
இதில் சோகமான விஷயம் என்னவென்றால் என்னிடம் இந்த அழைப்பை விடுத்தது ஒரு குடும்ப நண்பர் (மிகவும் செல்வாக்கு மிக்க கோலிவுட் நபர்) என்பது தான். தோழர்களே புத்திசாலி தனமாக செயல்ப்படுங்கள் , இப்போது விட்டுவிடக்கூடாது என்பதில் இன்னும் உறுதியாக இருங்கள் என்று பதிவிட்டிருக்கிறார்.
சுசித்ராவின் இந்த ட்வீட் மீண்டும் பரபரப்பை ஏற்படுத்தி உள்ளது.
