ஹெலிகாப்டர் பாடல் – தோனி பிறந்தநாளுக்காக பிராவோவின் வீடியோ பாடல்
இந்திய கிரிக்கெட் அணியின் முன்னாள் கேப்டன் தோனி குறித்து பிரபல கிரிக்கெட் வீரர் பிராவோ அவர்கள் பாடல் ஒன்று பாடியுள்ளது தற்போது சமூக வலைதளத்தில் வைரலாகி வருகிறது.
தோனியின் பிறந்தநாளை முன்னிட்டு புதிய தனிப்பாடலை, டி.ஜே. பிராவோ அர்ப்பணித்துள்ளார்.சென்னை சூப்பர் கிங்ஸின் அதிகாரப்பூர்வ பக்கத்தில் திங்கள்கிழமை பிற்பகுதியில் இந்த வீடியோவை வெளியிடப்பட்டு இருக்கிறது. மேலும் பிராவோ தோனியை மற்றொரு தாயிடமிருந்து வந்த தனது சகோதரர் என்றும் குறிப்பிட்டுள்ளார். இந்த வீடியோ வைரலாகி, ஆயிரக்கணக்கான மறு ட்வீட்டுகளையும், உலகெங்கிலும் உள்ள ரசிகர்களிடமிருந்து அன்பையும் பெற்றது.
தல தோனி கேப்டனாக இருந்து வரும் சென்னை சூப்பர் கிங்ஸ் அணியில் புகழ்பெற்ற வீரராக இருப்பவர் மேற்கிந்திய தீவுகளை சேர்ந்த பிராவோ. இவர்கள் இருவரும் இணைந்து பேட்டிங் செய்யும்போது கண்கொள்ளா காட்சியாக இருக்கும் என்பது தெரிந்ததே. மேலும் தோனியின் மிக நெருங்கிய நண்பர்களில் ஒருவர் பிராவோ என்பது குறிப்பிடத்தக்கது.
