திமுக முப்பெரும் விழாவை முன்னிட்டு சென்னை கிழக்கு மாவட்டம் சார்பில், நடைபெற்ற நிகழ்ச்சியில் திமுக இளைஞரணி செயலாளர் உதயநிதி ஸ்டாலின் கலந்துகொண்டு கட்சியின் மூத்த முன்னோடிகள் 100 பேருக்கு பொற்கிழி, புத்தாடை, மளிகைப் பொருட்களை வழங்கினார்.அப்போது, இன்று காலை சென்னை கொடுங்கையூர் சேர்ந்த பத்தாம் வகுப்பு மாணவர் சாமுவேல் ஆன்லைன் வகுப்பில் கலந்துகொள்ள தன்னிடம் செல்போன் இல்லாத காரணத்தினால் புதிய செல்போன் வாங்குவதற்காக, சாக்கடை கழிவகற்றும் பணிசெய்வதாக ஆங்கில நாளிதழில் செய்திவந்தது.
அந்த புகைப்படம் சமூக வலைத்தளங்களில் வேகமாக பரவி அதை தொடர்ந்து, சாமுவேலின் ஆன்லைன் வகுப்புக்காக லேப்டாப்-டேட்டா கார்டை சென்னை கிழக்கு மாவட்ட திமுக செயலாளர்கள் சட்டமன்ற உறுப்பினருமான சேகர்பாபு ஏற்பாட்டில் திமுக இளைஞரணி செயலர் உதயநிதி ஸ்டாலின் வழங்கினார்.
