இங்கிலாந்துக்குப் பயணம் செய்துள்ள மேற்கிந்தியத் தீவுகள் கிரிக்கெட் அணி, 3 போட்டிகள் கொண்ட கிரிக்கெட் தொடரில் விளையாடி வருகிறது. முதல் டெஸ்ட் போட்டி சவுதாம்டனில் உள்ள மைதானத்தில் ஜூலை 7 ஆம் தேதி தொடங்கியது. ஆட்டத்தின் 5வது மற்றும் கடைசி நாளான நேற்று, வெஸ்ட் இண்டீஸ் வெற்றி பெற 200 ரன்கள் இலக்கு நிர்ணயிக்கப்பட்டது.
தங்களது இரண்டாவது இன்னிங்ஸில் நிர்ணயிக்கப்பட்ட இலக்கை 4 விக்கெட் வித்தியாசத்தில் அடைந்து, தொடரில் 1-0 என முன்னிலைப் பெற்றுள்ளது மேற்கிந்தியத் தீவுகள். இந்த வெற்றிக்கு இந்திய கிரிக்கெட் அணியின் கேப்டன் விராட் கோலி, புகழாரம் சூட்டியுள்ளார்.
அவர், “வெஸ்ட் இண்டீஸ் கிரிக்கெட் அணி வாவ். எப்படிப்பட்ட வெற்றி இது. டெஸ்ட் கிரிக்கெட்டின் மிக அற்புதமான வெளிப்பாடு இது,” எனப் புகழ்ந்துள்ளார்.
