ஏர்டெல் பயனர்களுக்கு அடுத்த அடி! இனிமேல் “இந்த” இலவச நன்மை கிடைக்காது..!

சமீபத்தில் வெளியான டிராய் அறிக்கையானது பெரும்பாலான ஏர்டெல் பயனர்களின் பீதியடைய செய்தது என்றே கூறலாம். அந்த அறிக்கை , கடந்த மார்ச் மாதத்தில் மட்டுமே பாரதி ஏர்டெல் சேவையை விட்டு 12 லட்சம் பயனர்கள் “தெறித்து ஓடி விட்டனர்” என்பதை அம்பலப்படுத்தியது. இந்நிலைப்பாட்டில், ஏர்டெல் நிறுவனம் தன்சார்பாக ஒரு அதிர்ச்சியான நடவடிக்கையை எடுத்துள்ளது.

சந்தாதாரர்களின் எண்ணிக்கையைப் பொறுத்தவரை ரிலையன்ஸ் ஜியோவை விட முன்னிலையில் இல்லை என்றாலும், வாடிக்கையாளர்களுக்கு அதிக Bandwidth-ஐ வழங்குவதில் பாரதி ஏர்டெல் முன்னணியில் உள்ளது, இதனால் ஏர்டெல் பயனர்களுக்கு சிறந்த வேகம் உறுதி செய்யப்படுகிறது. ஆனால் மக்கள் ஏர்டெலை நேசிக்க இது ஒரே காரணம் அல்ல. மக்கள் ஏன் ஏர்டெல் சேவையை தேர்வு செய்கிறார்கள் என்பதற்கான முக்கிய காரணங்களில் ஒன்று, அது வழங்கும் நம்பமுடியாத சலுகைகள் மற்றும் நன்மைகளே ஆகும்!

ஏர்டெல் தேங்க்ஸ் திட்டத்தில் இருக்கும் ஒரே சிக்கலான விஷயம் என்னவென்றால், ஏர்டெல் அவ்வப்போது இந்த நன்மைகளை மாற்றிக் கொண்டே இருக்கிறது. இந்த முறை, இது ப்ரீபெய்ட் திட்டங்களைத் தேர்ந்தெடுக்கும் வாடிக்கையாளர்களுக்கான ZEE5 பிரீமியம் சந்தா நன்மையை நீக்கியுள்ளது. ஏர்டெல் ரூ 289 திட்டமானது இன்னும் இலவச ZEE5 பிரீமியம் சந்தாவின் பயனை வழங்குகிறது. இந்த ரூ.289 திட்டத்துடன், ஒரு வாடிக்கையாளர் வரம்பற்ற அழைப்பு மற்றும் 100 எஸ்எம்எஸ் / நாள் ஆகியவற்றுடன் 1.5 ஜிபி என்கிற அளவிலான தினசரி டேட்டாவையும் பெறுவார்கள். இதனுடன் கூடுதல் நன்மையான இலவச ZEE5 பிரீமியம் சந்தா, ஏர்டெல் எக்ஸ்ஸ்ட்ரீம் பிரீமியம் சந்தா, விங்க் மியூசிக் மற்றும் ஷா அகாடமியிலிருந்து இலவச வகுப்புகளுக்கான இலவச சந்தா போன்ற நன்மைகளும் அடங்கும். தவிர ஃபாஸ்டேக் பரிவர்த்தனையில் ரூ.150 கேஷ் பேக் உடன் இலவச ஹெலோட்டூன்களும் கிடைக்கும்.

இந்த நடவடிக்கையுடன் சேர்த்து, ஏர்டெல் தனது கோல்ட் உறுப்பினர்களுக்கான ஏர்டெல் தேங்க்ஸ் நன்மைகளிலிருந்தும் ZEE5 பிரீமியம் இலவச சந்தாவை நீக்கி உள்ளது. எனவே ரூ.799 எக்ஸ்ஸ்ட்ரீம் ஃபைபர் திட்டத்தை வாங்கிய வாடிக்கையாளர்களுக்கு இனி ZEE5 பிரீமியத்தின் பயன் கிடைக்காது. ஆனால் நிறுவனத்தின் பிளாட்டினம் வாடிக்கையாளர்களுக்கு இது தொடர்ந்து கிடைக்கிறது. எனவே நீங்கள் ZEE5 பிரீமியம் மெம்பர்ஷிப் நன்மையுடன் வரும் ஒரு ஏர்டெல் திட்டத்தைத் தேடுகிறீர்களானால், நீங்கள் ரூ.289 ப்ரீபெய்ட் திட்டத்தை மட்டுமே ரீசார்ஜ் செய்ய வேண்டியிருக்கும்.