ரேஷன் கடைகளில் நவம்பர் மாதம் வரை, இலவசமாக அரிசி வழங்கப்படும் என தமிழக அரசு அறிவித்தது. அந்த வகையில் நவம்பர் மாதத்திற்கான ரேஷன் பொருட்களை குடும்ப அட்டைதாரர்கள் பெற ஏதுவாக, பொருட்கள் வழங்கும் நாள் மற்றும் நேரம் ஆகியவற்றை குறிப்பிட்டு டோக்கன் வழங்கப்பட உள்ளன. இன்று முதல் வியாழக்கிழமை வரை டோக்கன்கள் விநியோகிக்கப்படுவதாகவும், டோக்கனில் குறிப்பிட்டுள்ள நாளின் அடிப்படையிலேயே குடும்ப அட்டைதாரர்கள் வர வேண்டும் எனவும் அறிவிக்கப்பட்டுள்ளது.
பொதுமக்களுக்கு முகக்கவசங்கள் வழங்கப்படும் நிலையில், தனிமனித இடைவெளி பின்பற்றி பொருட்களை வாங்க அறிவுறுத்தப்பட்டுள்ளனர். மேலும் ஏற்கனவே நவம்பர் மாதம் வரையிலும் இலவச அரிசி மற்றும் 1000 ரூபாய் நிதியுதவி மக்களுக்கு வழங்கப்படும் என்று தமிழக முதல்வர் எடப்பாடி பழனிசாமி அறிவித்திருந்தார் என்பது குறிப்பிடத்தக்கது.
